演藝界校友專訪 - 劉柏康

物理系畢業有什麼出路？教師、科研 ... 但原來仲有校友從事演藝市業。2003年新亞物理畢業，2005研究院畢業後，曾從事不同行業，近年投身現代舞演出，去年首次舉辦個人獨舞《觸跡》。校友會又忍唔住要搵呢位校友傾傾計先！

問：現代舞有什麼可以吸引到物理系畢業的你，投身這個行業？

小康：我同好多讀物理嘅人一樣對事物充滿好奇心，由宇宙到基本粒字，由簡單到複雜。起初學跳舞係因為肢體同埋動作優美，後來對身體嘅理解、運用、表達甚至美學等等都有新嘅睇法。身體有好多奧妙嘅地方，而我地日日都運用佢，直至離開，我想了解、聆聽佢更多，令我運用得更好 。

問：上一次首次個人獨舞，面對最大的挑戰是什麼？

小康：獨舞的挑戰是單打獨鬥的感覺，不論創作、行政或宣傳，好像所有事情都要自己決定及執行，不論有沒有接受訓練或是否我的專長，其中要面對很多挫敗，自己嘅不足，亦要很高嘅自律。

問：今次《不以言表》，在創作上的靈感是什麼呢？

小康：今次演出嘅出發點係自身、溝通同埋表達，反思自己喺乜嘢情況（想）表達或者唔表達，而引起身體嘅一啲反應。

不論是欲言又止或是暢所欲言，甚至係沉默嘅身體語言，隨著排練的推進，更明白一切來自（我）對連結同被了解嘅渴望，亦同與他人點連結嘅睇法有關。喺呢到我地會見到更多我地嘅本質、恐懼同埋愛。

問：對於未接觸過現代舞的人士, 你會怎樣推薦今次表演俾佢地呢?

小康：藝術好多時候都好似好抽象，但我覺得藝術源自於生活，佢就係生活嘅一點一滴嘅結晶，舞蹈只係透過身體去表達，呢一個表達未必需要好強嘅邏輯思考，而係好直觀嘅感覺同埋狀態。而劇場就係一個當下、即時嘅空間，全部參與者一齊分享、感受同埋經歷。呢一切可能都用生存或工作賺錢等實際嘅問題沒有直接關係，但大家怎樣看生活，溝通，自身？但大家可有要傾訴的事，能與你傾訴的人？呢啲都係我地生活嘅品質嘅基礎，每個人都會有共嗚嘅事。

我真誠咁希望我做嘅作品能給大家空間去感受，去觀照、成為自己。

----------

小康下一次演出，將於本年10月18日（五）至20日（日)，如有興趣觀賞的，可以到以下網址了解詳情。

《不以言表》

----------

採訪記者 - 余立仁（後感：有人keep得好，有人keep唔到，善哉善哉）